[i5o5]                                               DE LA VIL:
"Veuz par lad. Court lesd, lettres patentes dudit seigneur, autres lettres missives escriptes par luy tant à lad. Court que ausd, commissaires. par elle derrenieremcnt commis, et tout ce qui a esté mis devers icelle Court par lesd, vicaires et commis tant par led. Legat que par lesd, de Chapitre de Paris M, et tout consideré :
" La Court a commis et commect au regime et gou­vernement dudit temporel d'iceluy Hostel Dieu et autres choses cy dessus declairées, les dessusd. Jehan Le Gendre, maistre Jerosme de Marle, François Cou­sinot, Henry Le Begue, Estienne Huve, Jehan Bau­din, Guillaume Le Caron, Millet Lombart, pour par eulx faire et acomplir les choses respectivement con­tenues et declairées qui s'ensuivent;
«Et premierement lesd.bourgois esleuz et commis commettront bonnes et loyalles personnes pour estre Receveurs et Procureurs à recevoir tout le revenu et entremise dudit Hostel Dieu, ausquelz lesd, bourgois commis pourvoieront de gages ou pensions raisonna­bles, ainsi qu'ilz verront estre affaire; et lesquelz Receveurs et Procureurs rendront compte de leurs receptes et mises chascun an ausd, bourgois commis, present l'un des Presidens ou ung ou deux Conseil­lers du Roy en lad. Court; y assistera aussi l'un des chanoynes de l'Eglise de Paris, qui à ce sera commis par lesd. Doien et Chapitre se bon leur semble.
"Item, pourvoieront lesd, bourgois comntis à ce que tous les deniers qui ont acoustumé estre receuz oud. Hostel Dieu, tant es corps des religieux que des religieuses et mesmement prieuse, de la chambre du linge, de l'apoticaireric et autres semblables, soient tous receuz et mis en une bourse commune ou lieu commun, ainsi que par lesd, bourgois commis sera advisé, pour les distribuer par eulx ou leurs commis, par leur commandement et ordonnance et à leur discretion, en distribuant toutesfoys et em­ployant ce qu'il sera donné en aulmosne ainsi et en la forme et maniere que ceulx qui feront lesd, dons et aulmosnes l'auront ordonné.
" Item, enjoinct lad. Court ausd. Doien et Chapitre de Paris et autres qu'il appartiendra qu'ilz mettent es mains desd, bourgois commis tous les comptes, receptes, papiers, enseignemens et autres munimens touchant led. temporel qu'ilz ont dud. Hostel Dieu, affin que lesd, bourgois commis soient instruictz et ad visez pour mettre ordre à la recepte et autres
E
109
choses qui concernent led. temporel dudit Hostel Dieu.
" Item, et touchant les comptes qu'on dit estre en­cores à rendre par frere Jehan Le Fevre depuis qua­torze ou quinze ans, ordonne icelle Court que led. Le Fevre rendra sesd, comptes ausd, bourgois commis, [present] l'un desd. Presidens ou ung Conseiller ou deux du Roy en icelle Court; à laquelle redicion assistera l'un desd, chanoines qui sera commis par lesd. Doien et Chapitre, se bon leur semble, comme dessus a esté ordonné des autres comptes.
«Item, touchant les baulx des heritages dudit Hos-lel Dieu, tant des champs que de la ville, qui pour­roient avoir esté faiz autrement que à point, et aussi touchant les heritages qui ont esté baillez ti vie ou à temps qui sont ja, peult estre, expirez ou expirent et expireront d'oresennavant, lesd, bourgois commis y pourvoieront selon l'exigence des cas.
«Item, lesd, bourgois commis auront la charge de mettre ordre et provision touchant les questes des pardons et indulgences dudit Hostel Dieu, ct feront recevoir les deniers desd, questes comme des autres Receveurs dudit Hostel Dieu, et dont ilz ont la charge.
"Item, lesd, bourgois commis pourvoieront aux nourriture et habillemens des religieux et religieuses qui sont oudit Hostel Dieu, tant de celles qui ont esté amenées de nouvel que de celles qui y sont de-mourées, et autres qui ont esté à temps translatées, ainsi que lesd, bourgois commis verront estre affaire; et feront iceulx bourgois commis dilligence à eulx possible, affin que lesd, religieux et religieuses, selon leurs charges et offices, facent ce à quoy elles sont tenues, et principallement touchant les pauvres ma­lades. Et pourvoieront lesd, bourgois commis ausd, religieux et religieuses de habillemens et nourriture des revenues et deniers dud. Hostel Dieu.
"Item, enjoinct et commande lad. Court ausd. Doien et Chapitre de Paris de apporter et mettre es mains desd, bourgois commis, ou de leur receveur ou receveurs qui à ce par eulx seront deputez, tous les deniers que iceulx Doien et Chapitre ou autre de par eulx ont prins ou fait prendre es troncs dudit Hostel Dieu, et des pardons et questes et autres de­niers appartenans à iceluy Hostel; et de ce que iceulx Doien et Chapitre en ont emploié, bailleront des­charge ausd, bourgois commis.
(■' Ces derniers mois se réfèrent à la requête du Chapitre présentée au Bureau de Ville le 4 avril précédent (ci-dessus art. CLXXXIII), et qui cependant ne vient, dans le Registre, qu'après l'arrêt du Parlement postérieur de près d'un mois à cette date.